ესტონეთის ცენტრალური საარჩევნო ადმინისტრაციის ცნობით, საპარლამენტო არჩევნებში ლიბერალურმა ოპოზიციურმა „რეფორმების პარტიამ" გაიმარჯვა. ხმების რაოდენობის მიხედვით, მეორე ადგილზე გავიდა მმართველი „ცენტრისტების“ პარტია.
პროდასავლურმა „რეფორმების პარტიამ" ხმების 28,8 % მიიღო და 101-ადგილიან საკანონმდებლო ორგანოში 34 მანდატი მოიპოვა.
მმართველმა „ცენტრისტების“ პარტიამ 23,9 % და 26 მანდატი მოიპოვა.
ულტრამემარჯვენე, ესტონეთის კონსერვატიულმა პარტიამ ხმების 17,8 % მოიპოვა და ამით 19 მანდატი მიიღო პარლამენტში.
მინიმალური ბარიერი გადალახეს ასევე კონსერვატიულმა პარტიამ „ისაამამ“ და სოციალ-დემოკრატებმა.
პირველ ადგილზე გასული პარტიის, "რეფორმების პარტიის“ ლიდერი კაია კალასია, რომელიც სავარაუდოდ ესტონეთის პრემიერ-მინისტრი გახდება, რადგან სწორედ მის პარტიას აქვს მთავრობის ფორმირების უფლებამოსილება.