პედოფილიაში ბრალდებული კარდინალი ჯორჯ პელი ავსტრალიის სასამართლომ დამნაშავედ ცნო.
კარდინალს ორი არასრულწლოვანი ბიჭის მიმართ სექსუალურ ძალადობაში ედებოდა ბრალი. დანაშაული 1996 წელს, მელბურნის კათედრალში მოხდა. კარდინალი ბრალს კატეგორიულად არ ეთანხმება.
კარდინალის მიმართ განაჩენი გასული წლის დეკემბერში დადგა, თუმცა ამ დრომდე საზოგადოებისთვის ცნობილი არ გამხდარა.
77 წლის კარდინალი ჯორჯ პელი კათოლიკური ეკლესიის ერთ-ერთი ყველაზე გავლენიანი ფიგურაა. ბოლო დროს მას ვატიკანში ეკონომიკური მდივნის თანამდებობა ეკავა.