ჯანდაცვის სამინისტროს სამედიცინო საქმიანობის სახელმწიფო რეგულირების სააგენტოს უფროსის გია თვალავაძის და სხვა 5 პირის მიმართ აღკვეთის ღონისძიების შეფარდებაზე თბილისის საქალაქო სასამართლოში ამ წუთებში მსჯელობენ.
თვალავაძის ადვოკატი, აცხადებს, რომ აღკვეთის ღონისძიების არცერთ სახეს არ ეთანხმება, თუმცა, სასამართლოში გირაოს სანაცვლოდ მის გათავისუფლებას ითხოვს.
საპატიმრო ღონისძიებას არ ეთანხმებიან არც სხვა ადვოკატები.
შეგახსენებთ, რომ სააფთიაქო ნარკომანიასთან დაკავშირებით, გია თვალავაძე სუს-მა დააკავა.
სუს-ის ინფორმაციით, ფსიქოტროპული საშუალებების ურეცეპტოდ რეალიზაციის შედეგად 20 პირის, მათ შორის გია თვალავაძის მიერ მიღებულმა შემოსავალმა 4 094 709 ლარი შეადგინა. 20 პირიდან, 6 პირის ბრალი საპატიმრო ღონისძიებას ითვალისწინებს.
