5 ივნისს, თბილისში, 10:00 საათზე, სასტუმროში “Courtyard Marriot”, რონდელის ფონდის, თურქეთის რესპუბლიკის საგარეო საქმეთა სამინისტროსთან არსებული სტრატეგიული კვლევითი ცენტრისა (SAM) და აზერბაიჯანის რესპუბლიკის პრეზიდენტან არსებული სტრატეგიული კვლევითი ცენტრისა (SAM) ორგანიზებით გაიმართება ყოველწლიური სამმხრივი კონფერენცია „აზერბაიჯანი - საქართველო - თურქეთი: სამმხრივი თანამშრომლობის გლობალური და რეგიონული განმსაზღვრელი ფაქტორები“.
კონფერენციაზე აზერბაიჯანის, საქართველოსა და თურქეთის მთავრობების მაღალი რანგის, არასამთავრობო ორგანიზაციებისა და აკადმიური წრის წარმომადგენლები იმსჯელებენ აღნიშნულ ქვეყნებს შორის რეგიონალურ და გლობალურ დონეზე სამმხრივი თანამშრომლობის, გამოწვევებისა და ახალი შესაძლებლობების შესახებ.
კონფერენციას გახსნის საქართველოს პრეზიდენტის მრჩეველი, საგარეო ურთიერთობათა მდივანი თენგიზ ფხალაძე. მომხენებლებს შორის იქნებიან რონდელის ფონდის ევროპული კვლევების ცენტრის დირექტორი კახა გოგოლაშვილი, რონდელის ფონდის მკვლევარი და აღმოსავლეთმცოდნე ზურაბ ბატიაშვილი და სხვა.
კონფერენციას დაესწრებიან საქართველოს მთავრობის წევრები, არასამთავრობო ორგანიზაციებისა და საქართველოში აკრედიტებული დიპლომატიური კორპუსის წარმომადგენლები.
