„ქართული მარში“ და „ქართული იდეა“ თანამოაზრეებთან ერთად 14 მაისს, რუსთაველზე შეკრებილი მოქალაქეების საწინააღმდეგოდ კონტრაქციას ატარებს. ამის შესახებ ვიდეომიმართვას "ქართული მარში" ფეისბუქის გვერდზე ავრცელებს.
"14 მაისს, 18 საათზე ფილარმონიასთან, ერი და ბერი გამოვა და მთელ რუსთაველის გამზირს, ვიდრე თავისუფლების მოედნამდე, შეავსებს, წმინდა თამარ მეფის დღესასწაულის - თამარობის აღსანიშნავად!" - ნათქვამია განცხადებაში.
„რთულმა მდგომარეობამ, რაც გამოწვეულია ნარკოპროპაგანდისტების, სოდომისტების და რეაქციონერი ძალების ურთიერთშეთანხმებით გამოიწვია ჩვენი დედაქალაქის ცენტრის პარალიზება, ამიტომ მივიღეთ გადაწყვეტილება და ერთობა შედგა“, - აცხადებს ვიდეომიმართვაში დიმიტრი ლორთქიფანიძე.
