პარლამენტის წინ მიმდინარე აქციის მონაწილეებმა რუსთაველის გამზირი სრულად გადაკეტეს. ამ წუთებში გამზირზე საავტომობილო მოძრაობა სრულად გადაკეტილია.
აღნიშნული მოთხოვნით აქციის ორგანიზატორებმა სამრთალდამცავებს მიმართეს. მათ აქციის მონაწილეებს რუსთაველის ქუჩის დაკავების საშუალება მისცეს, რის გამოც შეკრებილებმა სამართალდამცავებს მათი მოთხოვნის შესრულებისთვის მადლობა გადაუხადეს.
ცნობისთვის, წუხელ კლუბ „ბასიანში“ და კაფე „გალერიში“ სპეცოპერაცია ჩატარდა, რის შედეგადაც დაკავებულია ნარკოტიკული საშუალების გამსაღებელი 8 პირი. კერძოდ, პოლიციის მიერ დაკავებულია: 1988 წელს დაბადებული ვ.ჟ., 1992 წელს დაბადებული ლ.მ., 1996 წელს დაბადებული ქ.მ., 1997 წელს დაბადებული მ.მ., 1995 წელს დაბადებული ბ.დ., 1994 წელს დაბადებული თ.ჩ., 1994 წელს დაბადებული ჯ.ე. და 1988 წელს დაბადებული გ.მ.
