“თეთრი ხმაურის მოძრაობის” და მათი მხარდამჭერების მიერ გამართულ საპროტესტო აქციას ქუთაისიდან წამოსული მოქალაქეებიც შეუერთდებიან.
ამის შესახებ ინფორმაცია აქციის ერთ-ერთმა მონაწილემ ლაშა მესხმა გაავრცელა. აქციის მონაწილეების ინფორმაციით, საპროტესტო აქცია მიმდინარეობს ზუგდიდსა და ბათუმში.
ამ წუთებში, რუსთაველის გამზირზე, პარლამენტის წინ აქცია მიმდინარეობს. აქციის მონაწილეები წუხელ კლუბ “ბასიანსა” და კლუბ “გალერიში” ჩატარებულ სპეცოპერაციას აპროტესტებენ და ითხოვენ ქვეყნის უმაღლესი თანამდებობის პირების გადადგომას.
ცნობისთვის, წუხელ კლუბ „ბასიანში“ და კაფე „გალერიში“ სპეცოპერაცია ჩატარდა, რის შედეგადაც დაკავებულია ნარკოტიკული საშუალების გამსაღებელი 8 პირი.
