აჭარის ტელევიზიის ინფორმაციით, რამდენიმე წუთის წინ, ბათუმში მიმდინარე აქციაზე, მსვლელობის დროს პოლიციამ სამი პირი დააკავა.
სამართალდამცველებმა მოქალაქეები მემედ აბაშიძის ქუჩაზე, მსვლელობის დროს აიყვანეს.
დაკავებულები არიან აქციის ორგანიზატორები.
დაახლოებით ერთი საათის განმავლობაში, ევროპის მოედანზე სოლიდარობის აქცია მიმდინარეობდა.
“ჩვენ ერთად ვცეკვავთ, ჩვენ ერთად ვიბრძოლებთ" – ამ ლოზუნგებით აქციის მონაწილეები თბილისში ღამის კლუბებში ჩატარებული სპეცოპერაციის ფორმებს და ქვეყანაში არსებულ ნარკოპოლიტიკას აპროტესტებენ.
კლუბ „ბასიანში“ და კაფე „გალერიში“ მასშტაბური სპეცოპერაცია ჩატარდა. შსს-ს ინფორმაციით, დაკავებულია ნარკოტიკული საშუალების გამსაღებელი 8 პირი.
