საგარეჯოს მუნიციპალიტეტის სოფელ ხაშმში მამაკაცი ცხელ გუდრონში ჩავარდა.
არსებული ინფორმაციით, დაშავებული უმძიმესი მდგომარეობით ჯერ საგარეჯოს საავადმყოფოში მიიყვანეს, შემდეგ კი, კატასტროფის მედიცინის ბრიგადამ თბილისის დამწვრობის ცენტრში გადმოიყვანა.
დაშავებული ირანის მოქალაქე ალი რეიჰანია, რომელიც სოფელში სახლს აშენებდა.
შინაგან საქმეთა სამინისტროს ინფორმაციით, მომხდარზე გამოძიება სისხლის სამართლის კოდექსის 124-ე მუხლით დაიწყო, რაც ჯანმრთელობის მძიმე დაზიანებას გულისხმობს.
