იმედა კახიანი დღეს 81 წლის გახდა. ცნობილი ქართველი მსახიობი იმედა კახიანი 1937 წლის 12 მაისს სამტრედიის მუნიციპალიტეტის სოფელ ეწერში დაიბადა. 1956 წელს დაამთავრა თბილისის მე-20 ვაჟთა სკოლა. 1956-1959 წლებში სწავლობდა შოთა რუსთაველის სახელობის თეატრალურ ინსტიტუტში, მისი დებიუტი შედგა ჯერ კიდევ სტუდენტობის დროს, 1957 წელს, ფილმ „საბუდარელ ჭაბუკში“ (განასახიერა გოგიტას როლი). საქართველოს დამსახურებული არტისტი (1967). საქართველოს სახალხო არტისტი (1979).
