„საერთაშორისო გამჭვირვალობა - საქართველომ“ დღეს საზოგადოებრივი აზრის გამოკითხვის შედეგები გამოაქვეყნა.
კვლევის მიხედვით, გამოკითხულთა 40%–ს მიაჩნია, რომ საპატრიარქოში მიმდინარე მოვლენები უნდა იყოს საჯარო განხილვის საგანი. 52% კი ამბობს, რომრომ საჯაროდ არ განიხილონ საპატრიარქოში მიმდინარე მოვლენები.
გამოკითხულთა 61%–ის აზრით, საპატრიარქო უნდა ფინანასდებოდეს სახელმწიფო ბიუჯეტიდან. 30% კი, საპატრიარქოს სახელმწიფო ბიუჯეტიდან დაფინანსების წინააღმდეგია.
კითხვაზე, "ბოლო წლების განმავლობაში შეიცვალა თუ არა ხალხის დამოკიდებულება საპატრიარქოს მიმართ", უმრავლესობა (48%) ამბობს, რომ ბოლო წლების განმავლობაში მოსახლეობის დამოკიდებულება საპატრიარქოს მიმართ უარესობისკენ შეიცვალა.
კვლევა „საერთაშორისო გამჭვირვალობა - საქართველოს“ დაკვეთით „კავკასიის კვლევითი რესურსების ცენტრმა“ განახორციელა.
კვლევის ფარგლებში, რომელიც 2018 წლის 3-28 მარტის პერიოდში ჩატარდა, მთელი საქართველოს მასშტაბით 1843 ადამიანი გამოიკითხა. გამოკითხვის საშუალო ცდომილება 2,8 პროცენტს შეადგენს.
