ტერორისტული ორგანიზაციისათვის და ტერორისტებისთვის მხარდაჭერის ბრალდებით ერთ-ერთი დაკავებულის, რუსლან ალდამოვის ადვოკატის, მარიამ კუბლაშვილის განცხადებით, საქმეში არსებული მტკიცებულებებით ბრალდებულების ბრალი არ დასტურდება.
"დაცვის მხარემ სადავო გახადა ბრალდების მხარის მიერ წარმოდგენილი მტკიცებულებები. მოვითხოვეთ მტკიცებულებების გამოკვლევა, ექსპერტების,მოწმეების ხელახალი დაკითხვა.არანაირი მტკიცებულება და არანაირი აუდიო-ვიდეო ჩანაწერი არ არსებობს, რომელიც ჩემი დაცვის ქვეშ მყოფის და სხვა ბრალდებულების დანაშაულზე მეტყველებს. ყველა მტკიცებულება რომელიც საქმეშია, მხოლოდ 22 ნოემბერს უკავშირდება. მოსამართლემ დასაშვებად ცნო ჩვენს მიერ და ბრალდების მხარის მიერ წარმოდგენილი მტკიცებულებები", - განაცხადა მარიამ კუბლაშვილმა.
საქმის არსებითი განხილვა 11 აპრილს, 14:00 საათზე ჩაინიშნა.