ბუტა რობაქიძის მამის, სოსო რობაქიძის განცხადებით, იმ შემთხვევაში, თუკი, ზაზა ბაქრაძეს ჩვენების მიცემამდე აღკვეთის ღონისძიებას შეუცვლიან, შესაძლოა მისი ლიკვიდაციაც კი მოხდეს.
მისი თქმით, მისი გათავისუფლება საშიშია.
"ამათ უნდათ, რომ ბაქრაძემ ჩვენების მიცემა ვერ მოასწროს მაგრამ, თანახმა არიან ბაქრაძე გარეთ გამოვიდეს. თუ ბაქრაძეს ჩვენება არ ექნება მიცემული, ისე მისი გათავისუფლება საშიშია. რას ეტყვიან, ვინ შეაშინებს, არ ვიცი, შეიძლება მისი ლიკვიდაციაც მოახდინონ. თუ ბაქრაძის ჩვენება სასამართლოს ექნება, მერე აზრი არ აქვს მასთან ვინმე მივა თუ არა. დაკითხეთ მისი შვილი, როგორ აშინებდნენ სანამ ბაქრაძე ჩამოვიდოდა. დონაძეს უთქვამს, თურმე რესტორნებში დავდიოდი ბაშალეიშვილთან ერთად. მე არ დავდიოდი, მაგრამ თვითონ კი დადიოდა, როცა მერაბიშვილს "2 ტრუპი" უნდოდა. ასეთ სისულელეს თავი დაანებონ", - განაცხადა სოსო რობაქიძემ.