ტერორისტული საქმიანობის ხელშწყობასა და ტერორისტული ორგანიზაციის წევრობაში ბრალდებულების წინა სასამართლო სხდომა დასრულდა. პროკურორის განმარტებით სასამართლომ მათ მიერ წარდგენილი ყველა მტკიცებულება დასაშვებად სცნო.
„დღევანდელ პროცესზე განხილულ იქნა ბრალდებულების მიმართ აღკვეთის ღონისძიების შეცვლის საკითხი, თუმცა ის აღკვეთის ღონისძიება რაც მათ ჰქონდათ შეფარდებული ბრალდების მხარის მოთხოვნით ძალაში იქნა დატოვებული. შესაბამისად მათ მიმართ კვლავ პატიმრობაა გამოყენებული. ადვოკატებმა ბრალდებულთა მიმართ გირაო მოითხოვეს, თუმცა სასამართლომ მათი მოთხოვნა არ დააკმაყოფილა“ - განაცხადა ტერორიზმის საქმის პროკურორმა გიორგი ხაჩიძემ.
პროკურორის განმარტებით, ბრალდებულებმა ზურიკო გორნაკაშვილმა ბაადურ ჩოფანაშვილმა გამოძიების ეტაპზე ბრალი აღიარეს, თუმცა ახლა ისინი ჩადენილ დანაშაულს უარყოფენ. „მათ საპროცესო შთანხმების მოთხოვნით ჩვენთვის არ მოუმართავთ. შესაბამისად დღევანდელ პროცესზე ეს თემა არ განხილულა“ - აცხადებს ხაჩიძე.
როგორც ის აღნიშნავს, ჩოფანაშვილმა და გორნაკაშვილმა შესაძლოა დანარჩენი 6 ბრალდებულის ცალკე გამოყოფილ საქმეზე ჩვენება მოწმის სახით მისცენ.
ცნობისთის, მათ ბრალი სისხლის სამართლის კოდექსის 331-ე პრიმა მუხლის პირველი ნაწილით აქვთ წარდგნეილი, რაც ტერორორისტული საქმიანობის ხელშეწყობას და წევრობას გულისხმობს.