ამ ადამიანის ადგილი ცალსახად არის ციხეში, - ასე გამოეხმაურა "რუსთავი 2"-ის გენერალური დირექტორი ნიკა გვარამია ლადო სადღობელაშვილის დაკავებას.
ის აღნიშნავს, რომ სადღობელაშვილის დაკავება პოზიტიური ფაქტია და აქვე, იმედს გამოთქვამს, რომ დაკავებულები კანონის წინაშე პასუხს აგებენ.
"ლადო სადღობელაშვილის დაკავება პოზიტიური ფაქტია, იგი არის დამნაშავე ძალიან ბევრს ქმედებაში. იგი ახორციელებს ანგარიშსწორებას ამ ქვეყნის დემოკრატიულ ინსტიტუციებთან, რიგით ქართველ ადამიანებთან, იმ ხალხთან ვინც არ აწყობს კონკრეტულ კლანებს იქნება ეს ხელისუფლებაში თუ საპატრიარქოში, ამიტომ ამ ადამიანის ადგილი ცალსახად არის ციხეში. მე ვიმედოვნებ რომ ამ საქმეს მიიყვანენ ბოლომდე და ის რამდენიმე წლით აღმოჩნდება სასჯელაღსრულების დაწესებულებაში", - განაცხადა ნიკა გვარამიამ.
ცნობისთვის, შინაგან საქმეთა სამინისტრომ ტელეკომპანია "რუსთავი2"-ზე განხორციელებული თავდასხმისა და ჟურნალისტებზე ძალადობის გამო, ლადო სადღობელაშვილი დააკავა.