საფრანგეთის პრეზიდენტის ემანუელ მაკრონის პრეს-მდივანმა, ბენჯამინ გრივომ განაცხადა, რომ საფრანგეთს სურს დაელოდოს მტკიცებულებებს რუსეთის ბრალეულობასთან დაკავშირებით სკრიპალის საქმეში და მხოლოდ მას შემდეგ მიიღებს გადაწყვეტილებას.
ელისეის სასახლემ არ ისურვა, მხარი დაეჭირა ლონდონისთვის რუსეთის წინააღმდეგ ბრალის წაყენებაზე, ყოფილი სახელმწიფო დაზვერვის სამსახურის, სერგეი სკრიპალის საქმეში. იტყობინება Times-ი.
პრეს-მდივანმა განაცხადა, რომ ჯერჯერობით პარიზი არაა მზად გამოთქვას თავისი პოზიცია ამ საქმესთან დაკავშირებით.
„ჩვენ მოჩვენებითი პოლიტიკით არ ვართ დაკავებულები. როგორც კი გამოჩნდება მტკიცებულებები, დაუყონებლივ მივიღებთ გადაწყვეტილებას“ - განაცხადა ბენჯამინ გრივომ და დასძინა, რომ სერგეი და იულია სკრიპალების მოწამვლა, ძალიან სერიოზული საქციელია საფრანგეთის სტრატეგიული პარტნიორის, დიდი ბრიტანეთის წინააღმდეგ, მაგრამ პარიზი მაინც ვალდებულია დაელოდოს მტკიცებულებებს.
