კალიფორნიის შტატში, მასწავლებელმა ზოგადი უსაფრთხოების გაკვეთილზე შემთხვევით მოსწავლე დაჭრა.
პოლიციის თანამშრომელი და შეთავსებით ქალაქის ვიცე მერი, სისაიდ დენის ალექსანდერი, სკოლაში გაკვეთილს ატარებდა ზოგად უსაფრთხოებასთან დაკავშირებით, რა დროსაც სწავლების ფარგლებში მან იარაღი დაუმიზნა ჭერს და გაისროლა, რათა დარწმუნებულიყო რომ იარაღი ცარიელია, თუმცა იარაღში ტყვია აღმოჩნდა. შედეგადაც ერთი მოსწავლე დაიჭრა, ხოლო რამდენიმე მოსწავლემ ჭერის ნაწილების ჩამონგრევისას დაზიანება მიიღო. დაჭრილის მამამ განაცხადა, რომ ტყვიის ნამსხვრევები მის შვილს ზურგში მოხვდა.
გამოძიების დასრულებამდე პოლიციელი ჩამოაშორეს სამსახურეობრივ ვალდებულებას როგორც პოლიციაში ასევე სკოლაში.
შეგახსენებთ, რომ თებერვალში სკოლაში სროლის შედეგად ფლორიდის შტატში დაიღუპა 17 ადამიანი. დამნაშავე დააკავეს და მან ბრალი უკვე აღიარა. ამ ფაქტთან დაკავშირებით, აშშ-ს სკოლის მოსწავლეებმა მოაწყვეს მსვლელობები იარაღის კონტროლის გამკაცრების მოთხოვნით.
