ერთი ჯარისკაცი დაიღუპა და შვიდი დაშავდა ხანძრის შედეგად, რომელიც უკრაინაში, ნიკოლაევსკის ოლქის პოლიგონზე მოხდა. ინფორმაციას რია ნოვოსტი სახმელეთო ჯარების პრესსამსახურებზე დაყრდნობით ავრცელებს.
როგორც პრესსამსახური იტყობინება, უკრაინის ნიკოლაევსკის ოლქის 235-ე სამხედრო პოლიგონზე, ღუმელის გამოყენების უსაფრთხოების წესების დარღვევის გამო ცეცხლი კარავს მოეკიდა.
„ხანძრის დროს ერთი ჯარისკაცი გარდაიცვალა, ხოლო შვიდმა სხვადასხვა ხარისხის დამწვრობა მიიღო. დაშავებულები ოლქის სამხედრო ჰოსპიტალში გადაიყვანეს. მათ სიცოცხლეს საფრთხე არ ემუქრება“ - აცხადებენ პრესსამსახურში.
მომხდართან დაკავშირებით მიმდინარეობს გამოძიება.
