დღეს, 6 მარტს, 10 ათასზე მეტ ჟურნალისტს ექნება საშუალება, ოფიციალურ გახსნამდე ეწვიოს ჟენევის 88-ე საერთაშორისო ავტოსალონს,რომელიც შვეიცარიის საგამოფენო ცენტრ „პალექსპოში“ ჩატარდება.
მასზე წარმოდგენილი იქნება 110 საპრემიერო ავტომობილი მთელი მსოფლიოდან. ხუთშაბათს ავტოსალონის კარი უკვე ფართო საზოგადოებისთვისაც გაიხსნება.
გამოფენაზე წარმოდგენილი იქნება ისეთი ახალი თაობის მოდელები, როგორიცაა Audi A6; Kia Ceed და Mercedes-Benz A კლასი. ასევე, კონცეპტუალური მანქანები Skoda Vision X; BMW 8 Series Gran Coupe; Peugeot 508; Hyundai Santa Fe და Lexus UX.
უნდა აღინიშნოს, რომ ავტოსალონმა უარი თქვა სტენდებზე გოგოების წარმოდგენაზე. ექსპოზიცია დამთვალიერებლებისთვის ოფიციალურად 8 მარტს გაიხსნება და 18 მარტამდე გაგრძელდება.
