ტრამპის ირგვლივ უკვე საუბრობენ ევროკავშირთან წამოწყებული სავაჭრო ომის შესახებ.
ბერლინში არ სურთ აშშ-სთან სავაჭრო ომი, "ეს ორივე ქვეყანას ზარალს მიაყენებს" - განაცხადა გერმანიის მინისტრთა კაბინეტის ოფიციალურმა წარმომადგენელმა შტეფან ზაიბერტმა, რომელმაც კომენტარი გაუკეთა აშშ-ს პრეზიდენტის, დონალდ ტრამპის მუქარას ევროპულ ავტომანქანებზე გადასახადების დაწესებასთან დაკავშირებით.
„ბერლინს არ უნდა სავაჭრო ომი აშშ-სთან, ეს არ შეიძლება შედიოდეს რომელიმე ქვეყნის ინტერესებში“ - განაცხადა ზაიბერტმა. მან ხაზი გაუსვა, რომ გერმანია „მხარს უჭერს თავისუფალ და ღია ბაზარს“.
„ჩვენ არ ვაღიარებთ ასეთ ზომებს. ეს საგრძნობლად იმოქმედებს საერთაშორისო სავაჭრო არხებზე. მეტწილად შეეხება ჩვენს ინდუსტრიასაც და პირველ რიგში ორივე მხარის დამქირავებლებს და დაქირავებულებს“ - განაცხადა ზაიბერტმა.
შეგახსენებთ, რომ 3 მარტს აშშ-ს პრეზიდენტმა ევროპულ ავტომანქანებზე გადასახადების დაწესებით დაიმუქრა, იმ შემთხვევაში, თუკი ევროკავშირი ამერიკულ კომპანიებზე გადასახადებს გაზრდის.
