კუნძულ კრეტასთან 4 სირიელი 15 მილიონი ევროს ღირებულების კანაფის გადაზიდვისთვის დააკავეს. საბერძნეთის სანაპიროდაცვამ თევზმჭერი გემიდან 1, 3 ტონა გადამუშავებული კანაფი ამოიღო.
საბერძნეთის ნარკოტიკების კონტროლისა და კონტრაბანდის წინააღმდეგ ბრძოლის სამმართველომ საეჭვო გემის შესახებ ცნობა საფრანგეთის საბაჟოს მიერ 1-ელ მარტს მიიღო. ადგილობრივი მედიის ცნობით, გემის ძებნას 3 დღე დასჭირდა.
დაკავებულები აცხადებენ, რომ ისინი თევზის საჭერად იყვნენ გასულები, თუმცა გემბანზე თევზჭერისთვის საჭირო ინვენტარი მათ არ აღმოაჩნდათ.
