სინოპტიკოსების პროგნოზით, უახლოესი 2 დღის განმავლობაში მოსალოდნელმა ნალექმა მოსკოვში შესაძლოა ბოლო 70 წლის რეკორდი მოხსნას. მეტეოროლოგები რეკორდულ თოვლს და ძლიერ ყინვას ელოდებიან.
დღეს, რუსეთის დედაქალაქსა და მის შემოგარენში გადაუღებლად თოვს და ძლიერი ქარია. უამინდობის გამო შეფერხებებით მუშაობს საზოგადოებრივი ტრანსპორტი და რკინიგზა. მოსკოვის აეროპორტებში ათობით რეისი გაუქმდა.
თოვა მოსკოვში გვიან საღამოს დაიწყო და ამ დრომდე გრძელდება. ვარაუდობენ , რომ ტემპერატურა მინუს 20 გრადუსამდე დაეცემა.
რეგიონში განგაშის ყვითელი დონეა გამოცხადებული .
