ჩეხეთი არავითარ შემთხვევაში არ აპირებს ლტოლვილების მიღებას - ამის შესახებ ჩეხეთის რესპუბლიკის ახალმა პრემიერ-მინისტრმა განაცხადა.
,,ჩვენ კატეგორიული წინააღმდეგები ვართ, ვინმემ გვიკარნახოს, ვინ უნდა იცხოვროს და იმუშაოს ჩვენს ქვეყანაში. ეს კვოტები ანაწევრებს ევროპას და არ არის ეფექტური”, - განაცხადა ანრეი ბაბიშმა პარლამენტში სიტყვით გამოსვლისას.
ცნობისათვის, აღმოსავლეთ ევროპის სხვა ქვეყნებთან ერთად ჩეხეთის რესპუბლიკას ევროკავშირთან ურთიერთობა მიგრანტების განაწილების ევროკავშირისეული გეგმის უარყოფის გამო დაეძაბა. აღნიშნული გეგმის მიმართ წინააღმდეგობა სულ უფრო იზრდება. მოწინააღმდეგეთა ჩამონათვალს ავსტრია, ბულგარეთი და ხორვატიაც უერთდება. სიას სავარაუდოდ შეუერთდება იტალიაც, თუკი ქვეყანაში დღეს მიმდინარე საპარლამენტო არჩევნებში მემარჯვენე კოალიცია გაიმარჯვებს.
