NDI-ის კვლევის მიხედვით, გამოკითხულთა 30% მიიჩნევს, რომ საქართველოში არსებობს პროპაგანდა, ხოლო 53% არ ეთანხმება ამ მოსაზრებას. 17%-ს კითხვაზე პასუხი არ აქვს.
იმავე კვლევის მიხედვით, 29% მიიჩნევს, რომ საქართველოში არსებობს ევროკავშირიდან მომავალი პროპაგანდა, 45% ამ მოსაზრებას არ ეთანხმება, ხოლო 26%-ს კითხვაზე პასუხი არ აქვს.
28%-ის აზრით, საქართველოში არსებობს აშშ-დან მომავალი პროპაგანდა. მოსაზრებას არ ეთანხმება 44%, ხოლო 28%-ს კითხვაზე პასუხი არ აქვს.
NDI-ის ცნობით, რესპონდენტებს მიეცათ სიტყვა "პროპაგანდის" განმარტება, როგორც დამახინჯებული ან შეცდომაში შემყვანი ინფორმაციის, რომლის მიზანიცაა რომელიმე ქვეყნის დადებითი იმიჯის შექმნა, მისი ქმედებების გამართლება და დაპირისპირებული ქვეყნების მიმართ უარყოფითი დამოკიდებულების დანერგვა.
იმ 30%-დან, რომელიც მიიჩნევს, რომ საქართველოში რუსული პროპაგანდაა, 53% ამბობს, რომ ის ქართულენოვანი სატელევიზიო არხების მიხედვით ვრცელდება, ხოლო 32% პროპაგანდის გავრცელების საშუალებად პოლიტიკურ პარტიებს ასახელებს. 28% რუსული პროპაგანდის გავრცელების იარაღად ინტერნეტსა და სოციალურ მედიას ასახელებს, 12% სამოქალაქო საზოგადოებას, ხოლო 11% კი არაქართულენოვან სატელევიზიო არხებს.
გამოკითხული რესპონდენტების 29%-დან, რომელიც მიიჩნევს, რომ საქართველოში არსებობს ევროკავშირიდან მომავალი პროპაგანდა, 66% მისი გავრცელების საშუალებად ქართულენოვან სატელევიზიო არხებს ასახელებს, 31% ინტერნეტსა და სოციალურ მედიას, 23% პოლიტიკურ პარტიებს, 11% სამოქალაქო საზოგადოებას, ხოლო 8% კი არაქართულენოვან სატელევიზიო არხებს.
იმ 28%-დან, რომელიც მიიჩნევს, რომ საქართველოში არსებობს აშშ-დან მომავალი პროპაგანდა, 66% ამბობს, რომ ის ქართულენოვანი არხების საშუალებით ვრცელდება, 32% ინტერნეტსა და სოციალურ მედიას ასახელებს, 26% პოლიტიკურ პარტიებს, 10% სამოქალაქო საზოგადოებას, ხოლო 9% კი არაქართულენოვან სატელევიზიო არხებს.
NDI-ის კვლევის საველე სამუშაოები ჩატარდა 2017 წლის 29 ნოემბრიდან 19 დეკემბრის პერიოდში, საქართველოს მასშტაბით (ოკუპირებული ტერიტორიების გამოკლებით), 2298 პირისპირ ინტერვიუს წარმომადგენლობითი შერჩევის საფუძველზე. NDI-ის კვლევებს ატარებს CRRC-საქართველო. ცდომილების ზღვარია +/-1.9%.
