პოლონეთის მმართველმა კონსერვატორულმა პარტიამ აბორტების ლიბერალიზების კანონპროექტი დაბლოკა. კანონპროექტი პარლამენტში განსახილველად ქალთა უფლებადამცველმა კომისიამ წარადგინა და ის ორსულობის პირველი 12 კვირის განმავლობაში აბორტის აკრძალვას აუქმებდა. კანონპროექტში ყურადღება სექსუალური განათლების ამაღლებასა და კონტრაცეპტივებთან წვდომის გამარტივების მნიშვნელობაზეც იყო გამახვილებული. მმართველმა პარტიამ პარლამენტს სანაცვლოდ ახალი კანონპროექტი წარუდგინა, რომელიც აბორტის ამკრძალავი კომისიის მიერაა ინიცირებული და რომლის მიხედვითაც, აბორტის გაკეთება მაშინაც კი დაუშვებელია, როდესაც ნაყოფი დაზიანებულია.
