რუსეთის თავდაცვის სამინისტრომ სირიაში ჩამოგდებული დრონების ფოტოები გამოაქვეყნა. შოიგუს უწყება ირწმუნება, რომ მაღალტექნოლოგიური უპილოტო თვითმფრინავებით სირიაში რუსული სამხედრო ობიექტების დაბომბვას ცდილობდნენ. რუსული მხარის განმარტებით, 13 დრონი სარაკეტო კომპლექს Панцирь-С-ით იქნა ჩამოგდებული, 6 კი რადიოელექტრონული ბრძოლის ქვედანაყოფმა ჩამოაგდო. რუსეთის თავდაცვის სამინისტრო აცხადებს, რომ ტერორისტებმა დრონები ერთ-ერთი იმ ქვეყნისგან მიიღეს, რომელიც სატელიტური ნავიგაციის ტექნოლოგიებს ფლობს. დრონების ერთ-ერთი სამიზნე ჰმეიმის ავიაბაზა უნდა გამხდარიყო.
