სამხრეთ ოსეთის დეფაქტიო ლიდერი დონეცკის არაღიარებულ სახალხო რესპუბლიკაში ვიზიტს განაგრძობს. ამის შესახებ „სპუტნიკ ოსეტია“ იტყობინება. გავრცელებული ინფორმაციით, ანატოლი ბიბილოვი სეპარატისტთა სპეცდანიშნულების პოლკის პოლიგონზე იმყოფებოდა. სპეცრაზმელებს მან საახალწლო საჩუქრად სამხედრო ეკიპირების კომპლექტები და ხორცის გადამამუშავებელ ქარხანა „რასტდონში“ დამზადებული პროდუქტები გადასცა. აღსანიშნავია, რომ დონბასში სეპარატისტთა მხარეს სამხრეთ ოსეთიდან ათობით მოხალისე იბრძვის. ისინი ბატალიონ „პიატნაშკას“ შემადგენლობაში ირიცხებიან.
