‘’ჩვენ ვაპირებთ ყველა მწვავე კითხვა დავსვათ და არ მივცეთ ბატონ გომელაურს საშუალება ,,ქართული ოცნებისთვის” პოლიტიკურად სასურველი პასუხები წარმოაჩინოს რეალობად ‘’- ამის შესახებ ,,ევროპული საქართველოს“ წევრმა ირაკლი აბესაძემ განაცხადა.
,,საქართველოს სახელმწიფო უსაფრთხოების სამსახურის უფროსი ვახტანგ გომელაური გეგმავს ,რომ დახურულ ფორმატში გასცეს შეკითხვებს პასუხი. ევროპულ საქართველოს კი მიგვაჩნია რომ ამ შეკითხვებიდან უმრავლესობაზე საჯარო პასუხია გასაცემი . მათ შორის პირველ რიგში როგორ შემოვიდნენ ჩატაევი და მისი თანამებრძოლები საქართველოს ტერიტორიაზე , როგორ მოხდა ამ რაოდენობის იარაღის კონცენტრაცია და რა მიზანი ჰქონდათ მათ“, - განაცხადა ირაკლი აბესაძემ.
ანტიტერორისტულ ოპერაციასთან დაკავშირებით პარლამენტში ნდობის ჯგუფის შეხვედრა დღეს გაიმართება. შეხვედრა 21:00 საათისთვის არის ჩანიშნული. პარლამენტის პრესსამსახურის ინფორმაციით, ნდობის ჯგუფის წევრებს სახელმწიფოს უსაფრთხოების სამსახურის უფროსი ვახტანგ გომელაური შეხვდება.
