"გჯეროდეთ, რომ საქართველოს პრეზიდენტი მუდამ თქვენს უფლებათა, ღირსებისა და თანასწორობის სადარაჯოზე დგას", - ამის შესახებ საქართველოს პრეზიდენტმა, გიორგი მარგველაშვილმა შეზღუდული შესაძლებლობის მქონე პირთა საერთაშორისო დღესთან დაკავშირებით განაცხადა.
პრეზიდენტის შეფასებით, თითოეულ ადამიანს აქვს უნარები და შესაძლებლობები, რომელიც საკუთარ კეთილდღეობასა და ქვეყნის წინსვლას შეიძლება მოახმაროს.
"დღეს შეზღუდული შესაძლებლობის მქონე პირთა საერთაშორისო დღეა, რომელსაც მთელი მსოფლიო აღნიშნავს.
თითოეულ ადამიანს აქვს უნარები და შესაძლებლობები, რომელიც საკუთარ კეთილდღეობასა და ქვეყნის წინსვლას შეიძლება მოახმაროს. ჩემი თქვენდამი დამოკიდებულება სწორედ ამ უნარებისა და ნიჭის პატივისცემას ეფუძნება. თქვენი თვითრეალიზაციის პირობათა შექმნა ყველა ჩვენგანის, საზოგადოების თითოეული წევრის მოვალეობაა.
გჯეროდეთ, რომ საქართველოს პრეზიდენტი მუდამ თქვენს უფლებათა, ღირსებისა და თანასწორობის სადარაჯოზე დგას.
ჯანმრთელობას, წარმატებასა და ბედნიერებას გისურვებთ თქვენ და თქვენს ოჯახებს", - განაცხადა პრეზიდენტმა.
