განათლების, მეცნიერებისა და კულტურის კომიტეტის თავმჯდომარის, მარიამ ჯაშის განცხადებით, არ უნდა გავაჩინოთ მოლოდინი, რომ მთავრობაში დაგეგმილი სტრუქტურული ცვლილებები ფინანსური რესურსების დასაზოგად კეთდება.
ჯაშის თქმით, იმ ოთხი სამინისტროს წლიური ბიუჯეტი, რომელთა შერწყმაც ხორციელდება მასშტაბური არ არის და ადმინისტრაციული რესურსის შემცირების შედეგად, დაახლოებით 15-მილიონი ლარი გამოთავისუფლდება.
”სტრუქტურული ცვლილებების მთავარი არგუმენტი ფინანსური რესურსის შემცირება არ არის. მთავარი არგუმენტია ფუნქცია-მოვალეობების სინქრონიზაცია. ამ ცვლილებებით, ყველაზე ნაკლები დარტყმა იქნება საკადრო რესურსზე. არ მინდა საზოგადოებას შეექმნას აზრი, რომ ცვლილებების მიზანი საკადრო რესურსის შემცირებაა”, - განაცხადა მარიამ ჯაშმა.
