"სტრუქტურული ცვლილებების კანონპროექტის მიხედვით, დაგეგმილია ე.წ. ოდეერების სისტემის სრულმასშტაბიანი აღდგენა, - ამის შესახებ „შენების მოძრაობის“ ლიდერმა, დავით უსუფაშვილმა განაცხადა.
მისივე თქმით, დაგეგმილია ეროვნული უსაფრთხოების მაკოორდინირებელი ყველა სახელმწიფო სტრუქტურის გაუქმება.
"კანონპროექტის მომზადების პროცესში კონსულტაციები არც ექსპერტებთან და არც საერთაშორისო ორგანიზაციებთან არ ყოფილა. დაგეგმილია არა მხოლოდ დაზვერვის სამსახურის გაუქმება და დაზვერვის ფუნქციის სუსისთვის გადაცემა, არამედ საგარეო დაზვერვისთვის ფუნქციის შეცვლაც და ე.წ. ოდეერების სისტემის სრულმასშტაბიანი აღდგენა", - განაცხადა უსუფაშვილმა.
მთავრობაში დაგეგმილ სტუქტურულ ცვლილებებთან დაკავშირებით საკანონმდებლო პაკეტის ინიცირება ბიუროს სხდომაზე მოხდა.
ამავე თემაზე: სუს-ის თანამშრომელს სხვადასხვა დაწესებულებებში მუშაობის შესაძლებლობა ექნება