ოპოზიციის შეფასება, რომ ნინო ლომჯარია საჯარო სამსახურში მუშაობდა და შესაძლოა ამან გავლენა იქონიოს მის მომავალ საქმიანობაზე, უსაფუძვლო მგონია, - ამის შესახებ ჟურნალისტებს საპროცედურო საკითხთა კომიტეტის თავმჯდომარემ გიორგი კახიანმა განუცხადა.
მისი თქმით, მაშინ, როდესაც ლომჯარია იყო არასამთავრობო სექტორში, ის გამოირჩეოდა ხელისუფლების მიმართ გარკვეული კრიტიკით, ხოლო როცა ის იყო აუდიტის სამსახურში, მუშაობდა თავისი კომპეტენციის ფარგლებში.
“ოპოზიციის შეფასება, რომ ნინო ლომჯარია საჯარო სამსახურში მუშაობდა და შესაძლოა ამან გავლენა იქონიოს მის მომავალ საქმიანობაზე, უსაფუძვლო მგონია. მაშინ, როდესაც ქალბატონი ნინო იყო არასამთავრობო სექტორში, ის გამოირჩეოდა ხელისუფლების მიმართ გარკვეული კრიტიკით, ხოლო როცა ის იყო აუდიტის სამსახურში, მუშაობდა თავისი კომპეტენციის ფარგლებში. ოპოზიციური ჯგუფების შეფასება ნინო ლომჯარიასთან დაკავშირებით, სრულიად არარელევანტურია და არ მგონია ამ შეფასებას ვინმე იზიარებდეს”, - განაცხადა გიორგი კახიანმა.
