ერთადერთი შემაკავებელი ფაქტორი, რომ ჩვენი ტერიტორიების ოკუპაცია არ მოხდეს, არის შეერთებული შტატები, - ამის შესახებ მეუფე იაკობმა განაცხადა, რომელიც მაღალი იერარქიის სასულიერო პირებთან ერთად ვიზიტით ამერიკის შეერთებულ შტატებში იმყოფება.
მეუფე იაკობის თქმით, ამერიკის შეერთებული შტატები ჩვენი სტრატეგიული პარტნიორი, ამიტომ მასთან ურთიერთობა არის ჩვენთვის ძალიან მნიშვნელოვანი.
„ერთადერთი შემაკავებელი ფაქტორი, რომ ჩვენი ტერიტორიების ოკუპაცია არ მოხდეს, არის შეერთებული შტატები, ჩვენი სტრატეგიული პარტნიორი, ამიტომ მასთან ურთიერთობა არის ჩვენთვის ძალიან მნიშვნელოვანი. ასევე მნიშვნელოვანია, რომ ჩვენ გაგვიცნონ. ჩვენზე ახლა ათასი ჭორ-მართალი ითქმევა ხოლმე და მიგვაბავენ ხოლმე რაღაც სივრცეს, მაგრამ ყველამ იცოდეთ, რომ ქართული ეკლესია ყოველთვის იქნება იქ სადაც სჭირდება საქართველოს,“-განაცხადა მეუფე იაკობმა.
