დაიბარებენ თუ არა საგამოძიებო უწყებაში სასტუმრო „ლეოგრანდის“ მფლობელს, ეროლ ავგერენს, იურისტ კახა წერეთლისთვის უცნობია.
„ამ ეტაპზე ასეთი ინფორმაცია არ გამაჩნია. თუ გამოძიება ამას გადაწყვეტს, ის დაბარებისთანავე გამოცხადდება“, - განუცხადა „ჯი-ეიჩ-ენს“ „ლეოგრანდის“ იურისტმა, კახა წერეთელმა.
თუ ვისი პასუხისმგებლობის საკითხი შეიძლება დადგეს, იურისტს პასუხის გაცემა ამაზეც უჭირს.
„ვისი პასუხისმგებლობის საკითხი შეიძლება დადგეს, ეს ესპერტიზის დასკვნის, მოწმეთა ჩვენებების საფუძველზე უნდა გახდეს ცნობილი. ვისი პასუხიმსგებლობის საკითხიც არ უნდა დადგეს, არავინ არ გაურბის პასუხისმგებლობას, ყველა ადგილზეა და სრულად თანამშრომლობენ გამოძიებასთან.
სასტუმროს მფლობელი შემთხვევის დროს სასტუმროში, ვერანდაზე, იმ ადამიანებთან ერთად იმყოფებოდა, ვინც ამ ყველაფერს შეესწრო. მფლობელი საქართველოს მოქალაქეა, ის ბოლო რამდენიმე წელია მუდმივად აქ ცხოვრობს“, - აცხადევს წერეთელი.
დღეს სასტუმროს მფლობელი და იურისტი ურთიერთგამომრიცხავ განცხადებებს აკეთებდნენ. ეროლ ავგერენის განმარტებით, სასტუმროს უსაფრთხოების ნორმები სტანდარტებს შეესაბამება და სასტუმრო ამასთან დაკავშირებით დაჯარიმებული არ ყოფილა. იურისტი კახა წერეთელი კი აცხადებს, რომ სასტუმრო მიმდინარე წლის 20 ივლისს, 100 ლარით იყო დაჯარიმებული.
„ამას ურთიერთგამომრიცხავ განცხადებებს ვერ დავარქმევ, სასტუმროს ადმინისტრაციას, ხელმძღვანელობას, მეპატრონეებს მიაჩნიათ, რომ ყველა წესი და ნორმა დაცული იყო. არცერთი დაწესებულება არ იმუშავებს ასეთ რეჟმში, როცა იცის რომ უსაფრთხოების რეჟიმში რაღაც დარღვევები აქვს. 2015 წელს, როცა სასტუმრო გაიხსნა, ამ მხრივ სრულად იყო შემოწმებული, თუმცა, ფაქტია, რომ ახლა ასეთი ვითარება შეიქმნა და ამ საქმეს გამოძიება სწავლობს.
რაც შეეხება დაჯარიმების ფაქტს, იმ წუთისთვის ამ ადამიანისთვის ცნობილი არ იყო, რომ სასტუმრო 100 ლარით იყო დაჯარიმებული. ერთი წლის წინ, დაჯარიმების აქტში ცეცლხმაქრების ტექნიკური მდგომარეობის შემოწმებაზე იყო საუბარი, ერთი წლის თავზე სასტუმრო დაჯარიმდა. დაჯარიმების აქტში მითითებული იყო რომ ინსტრუქციის დაღვევისთის გაჯარიმებთო, მაგრამ ინსტრუქციის რომელი პუნქტის, რომელი მოთხოვნის გამო, დაკონკრეტებული არ არის. ვიმეორებ, საუბარია უმნიშვნელო დეტალებზე, ინსტრუქციები ქართულ ენაზე უნდა ყოფილიყო და ცეცხლმაქრების ტექნიკური მდგომარეობა უნდა შემოწმებულიყო“, - აცახდებს კახა წერეთელი.
შეგახსენებთ, რომ 24 ნოემბერს, 20:00 საათზე, ბათუმშილი, სატუმრო „ლეოგრანდში“ ხანძარი გაჩნდა. დაიღუპა საქართველოს 10 და ირანის ერთი მოქალაქე.