საქართველოში აშშ-ის ელჩის, იან კელის განცხადებით, ბერი გაბრიელ სალოსის ქუჩაზე ჩატარებული სპეცოპერაცია საერთაშორისო ტერორიზმის საკითხია.
ელჩის თქმით, გამოძიებაში ქართულ მხარეს დახმარება ამერიკულმა მხარემ შესთავაზა.
„გამოძიებასთან დაკავშირებით ქართულ მხარეს ტექნიკური დახმარება ჩვენ შევთავაზეთ. ეს საკითხი ყველა ჩვენგანს ეხება. ეს საერთაშორისო ტერორიზმის საკითხია. საქართველო ჩვენი პარტნიორია. რა თქმა უნდა, ჩვენ მზად ვართ საქართველოს ნებისმიერი სახის დახმარება გავუწიოთ. მოხარული ვარ, რომ უსაფრთხოების კუთხით საქართველოსა და აშშ-ს შორის თანამშრომლობა პროდუქტიულია.
რაც შეეხება იმას, იყო თუ არა ახმედ ჩატაევი ლიკვიდირებულთა შორის, ჯერ 100 %-ით უნდა დადგინდეს. რა თქმა უნდა, ბევრი კითხვა არსებობს. გამოძიებაში აშშ-ის ფედერალური ბიუროს ექსპერტები ჩაერთნენ", - განაცხადა ელჩმა.