განათლების ახალი მინისტრი ვერ აკონკრეტებს გაგრძელდება თუ არა სკოლებში ვაშლების დარიგების პროგრამა.
„ახალგაზრდების ჯანსაღი ცხოვრების წესი არის ძალიან მნიშვნელოვანი. ეს იქნება ჩვენი სამინისტროს ერთ-ერთი პრიორიტეტული საკითხი. ეს არის ის თემატიკა, რომელსაც სჭირდება სერიოზული, კომპლექსური, ფუნდამენტური მიდგომა და ამას განახორციელებს ჩვენი სამინისტრო“, – ასე უპასუხა განათლების ახალმა მინისტრმა მიხეილ ჩხენკელმა პირველი არხის კითხვაზე, გაგრძელდება თუ არა სკოლებში ე.წ. ვაშლების დარიგების პროგრამა.
მიხეილ ჩხენკელის განათლების მინისტრად დანიშვნას პრემიერ-მინისტრმა გიორგი კვირიკაშვილმა დღეს ხელი მოაწერა.
