"ჩვენ ყველაზე მეტი შეკითხვა გვექნება შინაგან საქმეთა მინისტრის ცვლილებასთან დაკავშირებით", - ამის შესახებ "ერთიანი ნაციონალური მოძრაობის" წევრმა, სალომე სამადაშვილმა განაცხადა.
მისი განმარტებით, მინისტრის ცვლილება არ გააქრობს უწყების მიმართ დაგროვილ შეკითხვებს.
"გარდა ამისა, ჩვენთვის გაუგებარია რა ნიშნით შეირჩა გახარია ამ პოსტზე. მას არ აქვს პოლიტიკური და პროფესიული გამოცდილება, აქვს რუსეთში სერიოზული ბიზნესინტერესები და არის ივანიშვილის ოჯახთან დაახლოებული პირი, ისევე როგორც ბახტაძე, რაც იმის მაჩვენებელია, რომ მნიშვნელოვან პოსტებზე კიდევ უფრო ძლიერდება არაფორმალური წვდომა,"- განაცხადა სალომე სამადაშვილმა.
სტრუქტურული ცვლილებების თანახმად, რამდენიმე სამინისტრო გაერთიანდება და 18-ის ნაცვლად, 14 სამინისტრო დარჩება.
