,,ცვლილებების შედეგად გამოთავისუფლებული თანხები თუ ისევე დაიხარჯება ახალი სტრუქტურების დაფინანსებაში, პრემიებისა და დანამატებში, მაშინ ამ შემცირებას არანაირი აზრი არ ექნება’’ - ამის შესახებ ,,ევროპული საქართველოს“ წევრმა სერგი კაპანაძემ განაცხადა.
,,ევროპული საქართველოსთვის ფუნდამენტურად მნიშვნელოვანია და ამას ჩვენ ხშირად ვაცხადებდით, რომ მომხდარიყო სამინისტროების შემცირება და ბიუროკრატიული აპარატის შემცირება. ამ მიმართულებით როგორც ჩანს, ნაბიჯები გადაიდგა. ეს რა თქმა უნდა მისასალმებელია, თუმცა ფუნდამენტური იქნება იმისი ანალიზი, თუ რაში დაიხარჯება ის თანხები, რომელიც არის ეხლა ერთი შეხედვით გამოთავისუფლებული. ეს ხარჯები უნდა წავიდეს სწორი მიმართულებით ეს არის სოციალური მიმართულება, გადასახადების შემცირება და ეკონომიკურ ზრდაზე ორიენტაცია,’’- განაცხადა სერგი კაპანაძემ.