"ამ დღეებში მოხდა მე ვიტყოდი სამწუხარო და სამარცხვინო ფაქტი", - ამის შესახებ ევროპული საქართველოს წევრმა, სერგო რატიანმა პარლამენტში, მიკაელ კადიევის საქმესთან დაკავშირებით განაცხადა.
როგორც რატიანი ამბობს, ჩრდილოკავკასიელი სამოქალაქო აქტივისტი მიკაელ კადიევი, რომელიც ოთხი წლის განმავლობაში მოითხოვდა თავშესაფარს საქართველოში, ამ ხნის განმავლობაში იგებდა სასამართლოს და გუშინ წინ უარი ეთქვა თავშესაფარზე.
"რეალურად დგება მისი რუსეთში ექსტრადირების საკითხი. ეს არის სამარცხვინო ფაქტი. სოზარ სუბარის და სახელმწიფოს წარმომადგენელი ამ დღეებში სასამართლოში ამტკიცებდა და ფაქტიურად იცავდა რუსეთს. ის იყო რუსეთის ადვოკატი. ის ამბობდა, რომ მიკაელ კადიევს არაფერი ემუქრება რუსეთში, რომ რუსეთში თურმე არ არსებობს რელიგიური ნიშნით ადამიანების დევნა, რომ არ არსებობს პოლიტიკური ნიშნით დევნა, რომ არ დევნიან ჩრდილოეთ კავკასიელებს, რომ ციხეში არაფერი ხდება და მის სიცოცხლეს საფრთხე არ ექმნება. იცით რა იყო გარანტია ამ ყველაფრის? რომ რუსეთის მხარემ გადმოსცა საქართველოს რუსეთის გენერალური პროკურორის მოადგილის წერილი, რომელშიც ის ამბობს და პირობას იძლევა, რომ მიკაელ კადიევს ციხეში არ აწამებენ", - განაცხადა რატიანმა.
მისივე თმით, საქართველოს ტერიტორია არის ოკუპირებული რუსეთის მიერ, რუსეთი არის მტერი, საქართველოს მხარე კი მის განცხადებას ეთანხმება.
"რაც ყველაზე სამწუხაროა, საქართველოს სასამართლო ამას ეთანხმება.
აზერბაიჯანელი ჟურნალისტის საქმეზე, რომელზეც ჩვენ ვითხოვდით, რომ ყოფილიყო საპარლამენტო გამოძიება, რა მოხდა, სად წაიწიეთ წინ? სამარცხვინო რამ მოხდა და ეს არის არამხოლოდ ხელისუფლების, არამედ ვინც აქ არის ყველას ღირსების საქმე,’’ - განაცხადა სერგო რატიანმა.