„სამართლებრივი დავა ჯერ არ დასრულებულა, ამიტომ ჯერ არავინ იცის ვინ იქნება თიანეთის მერი. აქედან გამომდინარე, სანამ სამართლებრივი დავა არ დამთავრდება, დასკვნების გამოტანა ნაადრევია“, - განუცხადა „ჯი-ეიჩ-ენს“ თიანეთში „ქართული ოცნების“ დეპუტატმა, ზაქარია ქუცნაშვილმა.
დეპუტატი იმ ფაქტსაც გამოეხმაურა, რომ თამაზ მეჭიაური უკვე გამარჯვებას აღნიშნავს.
„ის ყოველდღე მილოცვებს იღებს და ყოველდღე ქეიფობს. ასე, რომ აქ გასაკვირი არაფერია... ფაქტის სისწორე უტყუარია, ყველამ დაადასტურა, რომ გადათვლის დროს, 5 ბიულეტენი მცდარად ჩაგდებული აღმოჩნდა მეჭიაურის სასარგებლოდ. ამ ფაქტს ვერავინ უარყოფს. ამ ფაქტის შინაარსიდან გამომდინარე, სამართლებრივი დავის დახურულად გამოცხადება შეუძლებელია“, - განაცხადა ქუნცაშვილმა.
