ვფიქრობ, გავაგრძელებ სამართლებრივ ბრძოლას, - ასე გამოეხმაურა თიანეთში „ქართული ოცნების“ მერობის კანდიდატი ლელა ქიტესაშვილი მცხეთის სასამართლოს გადაწყვეტილებას, რომლის საფუძველზეც თიანეთის მერის არჩევნებში 1 ხმით თამაზ მეჭიაური იმარჯვებს.
მისი თქმით, განვითარებული მოვლენებიდან გამომდინარე უფრო ლოგიკური იქნებოდა, არჩევნების განმეორებით ჩატარება.
„უფრო ლოგიკურად მეჩვენებოდა, არჩევნების განმეორებით ჩატარების გადაწყვეტილება მიღებულიყო, ეს უფრო ღირსეული იქნებოდა. ვფიქრობ, გავაგრძელებ სამართლებრივ ბრძოლას“, - განაცხადა ლელა ქიტესაშვილმა.
