"ხრუშჩოვკიდან" მივიყვანე პარლამენტში, ახლა გადახედეთ მაგის დეკლარაციას, ტომებია უკვე, - ასე პასუხობს თიანეთის მერობის კანდიდატი, თამაზ მეჭიაური ზაქარია ქუცნაშვილის განცხადებას, რომ ის "ქართულ ოცნებაში" ქუცნაშვილმა მიიყვანა.
როგორც გადაცემა "არჩევანში" მეჭიაურმა განაცხადა, ქუცნაშვილი ჰყავდა ქაღალდების დამტარებლად საოლქო კომისიაში და "ისიც ბოლომდე ვერ მიიყვანა".
„პირველი დეკლარაცია რომ შეავსო ამან, პირველი რაც კი ჩაწერა, ცოლის მზითევი იყო - "ჟილაია" და "სპალნა", თან დიდი თანხები მიუწერა, რომ ძალიან ძვირი იყო. მეტი არაფერი არ ჰქონდა ჩასაწერი, ოროთახიანი "ხრუშჩოვკიდან" მივიყვანე პარლამენტში, ახლა გადახედეთ მაგის დეკლარაციას, ტომებია უკვე", - აღნიშნა თამაზ მეჭიაურმა.