უზარმაზარი ადმინისტრაციული მანქანაა დაქოქილი იმისთვის, რომ საკუთარი მხარდამჭერები ძალით მოიყვანონ უბნებზე, - ამის შესახებ თბილისის მერობის დამოუკიდებელმა კანდიდატმა ალეკო ელისაშვილმა განაცხადა.
მისი თქმით. "ქართული ოცნების" კოორდინატორები საარჩევნო უბნებთან დგანან სიებით და აღრიცხავენ მათ მხარდამჭერების საარჩევნო უბნებზე მისვლას.
"დილიდან თვალს ვადევნებთ იმას, რაც წინა ხელისუფლების დროს საშინლად არ მოგვწონდა და გვაცოფებდა. დღეს ხდება თბილისში შეხვედრა წარსულთან. ყველა საარჩევნო უბანთან მობილიზებულები არიან შავებში ჩაცმული ადამიანები აფორიაქებული სახეებით, საწერკალმებით, სიებით, დაარბენინებენ საჯარო სამსახურში დასაქმებულ ადამიანებს, გაშმაგებულები ეზიდებიან ხალხს კოორდინატორები. უზარმაზარი ადმინისტრაციული მანქანაა დაქოქილი იმისთვის, რომ საკუთარი მხარდამჭერები ძალით მოიყვანონ უბნებზე. რა თქმა უნდა ამის ორგანიზატორი არის ხელისულება", - განაცხადა ალეკო ელისაშვილმა.
