"ხმა მივეცით იმ კანდიდატს, რომელსაც შეუძლია ქალაქი გახადოს ისეთი, როგორიც თითოეულ ჩვენგანს უნდა", - ამის შესახებ საქართველოს პარლამენტის თავმჯდომარემ, ირაკლი კობახიძემ განაცხადა.
როგორც კობახიძემ აღნიშნა, მთავარია თბილისის განვითარება.
„დარწმუნებული ვარ, ჩემი არჩევანი უზრუნველყოფს ბევრად უკეთეს თბილისს და უზრუნველყოფს მის განვითარებას. ჩვენ გავაკეთეთ დღეს ჩვენი არჩევანი ადგილობრივი თვითმმართველობის არჩევნებში. ხმა მივეცით იმ კანდიდატს, რომელიც სულ სხვა დონეზე აიყვანს ჩვენს ქალაქს, ჩვენს თბილისს და შეუძლია გახადოს ეს ქალაქი ნამდვილად ისეთი, როგორიც გვინდა თითოეულ ჩვენგანს, თითოეულ თბილისელს.
ჩვენთვის მთავარია თბილისის განვითარება. დღევანდელი არჩევანი გავაკეთეთ თბილისის სიყვარულით და მე პირადად, დარწმუნებული ვარ, ჩემი არჩევანი უზრუნველყოფს ბევრად უკეთეს თბილისს და უზრუნველყოფს მის განვითარებას“,- განაცხადა პარლამენტის თავმჯდომარემ, რომელმაც არჩევანი შვილებთან ერთად, № 2 ვაკის ოლქის 53-ე საარჩევნო უბანზე გააკეთა.