„არჩევანი გავაკეთეთ ცვლილების სასარგებლოდ“, - ამის შესახებ თბილისის მერობის დამოუკიდებელმა კანდიდატმა, ალექსანდრე ელისაშვილმა დღეს, ოჯახთან ერთად, ხმის მიცემის შემდეგ განაცხადა.
ელისაშვილის განცხადებით, ქალაქს ცვლილებები ჰაერივით სჭირდება.
„ჩვენ გავაკეთეთ არჩევანი ცვლილებების სასარგებლოდ, რომელიც ქალაქს ჰაერივით სჭირდება, მხარი დავუჭირეთ ამ ქალაქის გადარჩენას, რადგან რეალურად, ქალაქი არის მძიმე დღეში, ეს ქალაქიც და ეს ქვეყანაც არის კორუფციის ჭაობში“, - განაცხადა ალეკო ელისაშვილმა.