„არ შეიძლება ზალიკო უდუმაშვილის პოზიორობას და მის მერობისთვის „გაქაჩვას“ შეეწიროს თბილისის საკრებულო“, - განაცხადა წარმომადგენლობითი ორგანოს წევრმა ჯაბა ჯიშკარიანმა საკრებულოს სხდომაზე.
მისივე თქმით, საზოგადოება ძალიან კარგად ხედავდა და ხვდებოდა თუ რას ემსახურებოდა ბოლო დღეების განმავლობაში „ნაციონალური მოძრაობის“ და მისი პარტიული განაყოფების წევრების მიერ გაკეთებული განცხადებები.
„თქვენი მთავარი მიზანი დესტრუქციაა. არ მახსოვს, თქვენ რამე სასარგებლო წინადადება წარმოგედგინათ იმის შესახებ, თუ რა სჭირდება ჩვენს ქალაქს და როგორ უნდა ვემსახუროთ მას. თქვენ აკრიტიკებთ განვითარებას, თქვენ გინდათ უძრაობა“,- მიმართა ჯაბა ჯიშკარიანმა ოპოზიციონერ კოლეგებს და აღნიშნა, რომ ვერც „ნაციონალური მოძრაობა“, ვერც „ევროპული საქართველო“ და ვერც სხვა ოპოზიციონერი კოლეგები ვერ იქნებიან ქალაქის განვითარების და წინსვლის მუხრუჭი.
„ჩვენ თქვენ გეჯიბრებით საქმით და გაკეთებული საქმით გაგცემთ ყოველთვის პასუხს“, - განაცხადა ჯიშკარიანმა საკრებულოს სხდომის მსვლელობისას.