უსაფრთხოების მასშტაბური ოპერაცია მიმდინარეობს პარიზის შარლ დე გოლის აეროპორტში ავიაკომპანია „British Airways“-ის რეისზე. თვითმფრინავი ლონდონში უნდა გაფრენილიყო.
პარიზის აეროპორტის ცნობით, რეისზე BA303 დამატებითი კონტროლი მიმდინარეობს. ამ დრომდე აეროპორტში არ აკონკრეტებენ, თუ რატომ გახდა საჭირო უსაფრთხოების ზომების გაძლიერება ამ კონკრეტულ რეისზე.
ერთ-ერთმა მგზავრმა Twitter-ის საკუთარ გვერდზე დაწერა, რომ ყველა მგზავრს პირადად ჩხრეკენ, ხოლო მათ ბარგს ძაღლები და კინოლოგები ამოწმებენ.
გავრცელებული ინფორმაციით, საფრანგეთის პოლიციამ ქვეყანაში მოსალოდნელი ტერაქტების გამო უსაფრთხოების ზომები გაამკაცრა.
