21 სექტემბერს, ნიუ-იორკში, გაერო-ს გენერალური ასამბლეის ფარგლებში, აშშ-ის პრეზიდენტი დონალდ ტრამპი თავის უკრაინელ კოლეგა პეტრო პოროშენკოს შეხვდება. ამის შესახებ აშშ-ის პრეზიდენტის თანაშემწემ ეროვნული უსაფრთხოების საკითხებში, გერბერტ მაკმასტერმა განაცხადა.
უკრაინის საგარეო საქმეთა მინისტრ პავლო კლიმკინის განცხადებით კი, პოროშენკო ტრამპთან შეხვედრისას დონბასში სიტუაციის დარეგულირებას და ქვეყნის რეფორმირებაში აშშ-ის მიერ გაწეულ დახმარებას განიხილავს.
,,ასევე ვისაუბრებთ ერთობლივ ტაქტიკაზე, ვინაიდან ეს საკითხი უკვე განხილული იყო აშშ-ის სახელმწიფო დეპარტამენტის სპეციალურ წარმომადგენელთან, კურტ ვოლკერთან ერთად. ჩვენ ყველაფერი ეს მაღალ დონეზე უნდა შევათანხმოთ“, - აღნიშნა უკრაინის საგარეო უწყების ხელმძღვანელმა და დასძინა, რომ მისთვის ამ ეტაპზე უცნობია თუ რა საკითხებს წამოჭრის ამერიკული მხარე.
