უკრაინის სახელმწიფო სასაზღვრო სამსახური ტურისტებს აფრთხილებს, რომ 10 სექტემბერს პოლონეთი-უკრაინის საზღვართან შესაძლოა, პრობლემები შეიქმნას. განცხადება უწყების ოფიციალურ ვებგვერდზე ვრცელდება.
სამინისტროს განმარტებით, "ზოგიერთი პოლიტიკური პარტიისა და პარლამენტარის" ორგანიზებით, ბლოკსაგუშაგოსთან "მასობრივი აქცია" იგეგმება.
"კრაკოვეცის გამშვებ პუნქტთან მასობრივი შეკრებების შესაძლო ჩატარებასთან დაკავშირებით 9-12 სექტემბერს უკრაინის სახელმწიფო სასაზღვრო სამსახური გირჩევთ, რომ სხვა სატრანსპორტო მარშრუტები აირჩიოთ, რათა თავიდან ავიცილოთ შესაძლო დისკომფორტი", - ნათქვამია სახელმწიფო სასაზღვრო სამსახურის განცხადებაში.
საქართველოს ყოფილი პრეზიდენტი მიხეილ სააკაშვილი ქალაქ ჟეშუვში პრესკონფერენციის გამართვას გეგმავს. ამის შესახებ ინფორმაციას „უკრაინსკაია პრავდა“ ავრცელებს.
გამოცემის კორესპონდენტის ცნობით, სააკაშვილი პრესკონფერენციას ადგილობრივი დროით 10:00 საათზე გამართავს (თბილისის დროით 12:00 საათზე).
აღსანიშნავია, რომ თავდაპირველად პრესკონფერენციის ჩატარება ქალაქ პერემიშლში იგეგმებოდა.
ქალაქ ჟეშუვში ასევე ჩავიდა პარტია „ბატკივშინას“ ლიდერი იულია ტიმოშენკო.
დღეს დილით საქართველოს ყოფილი პრეზიდენტის, მიხეილ სააკაშვილის მხარდამჭერების კოლონა ლვოვიდან „კრაკოვეცის“ გამშვები პუნქტისკენ დაიძრა.
