„ყველას აწყობს, თავისი მაჟორიტარი ჰყავდეს“, - ამის შესახებ საპარლამენტო უმრავლესობის წევრმა დავით ჭიჭინაძემ მაჟორიტარული სისტემის გაუქმების საკითხთან დაკავშირებით განაცხადა.
ჭიჭინაძე მაჟორიტარული სისტემის გაუქმების წინააღმდეგია და მიიჩნევს, რომ ვიდრე ტერიტორიული მთლიანობა არ იქნება, მანამდე პროპორციულ სისტემაზე გადასვლა ხიფათის შემცველია.
"როცა ხალხთან გამოკითხვას ვაწარმოებთ, ისინი პროპორციულ სისტემაზე გადასვლის საკითხს არაპოპულარულად უყურებენ, რადგან ყველას აწყობს, თავისი მაჟორიტარი ჰყავდეს. შეთანხმება მიღწეული აუცილებლად იქნება. საკუთარი თავის სამსახურში მოწყობაზე არავინ არ ფიქრობს. ვიდრე ტერიტორიული მთლიანობა არ იქნება, მანამდე პროპორციულ სისტემაზე გადასვლა ხიფათის შემცველია", - ამბობს ჭიჭინაძე.
